Pagabatunon sang Pop star nga si Taylor Swift ang isa ka honorary degree halin sa New York University kadungan sang commencement ceremony sa Mayo 18 sa Yankee Stadium.
Base sa pahayag sang unibersidad, pagabatunon ni Taylor ang Doctor of Fine Arts, honoris causa, kag mahatag man ini sang speech sa atubang sang mga estudyante kag mga bisita.
Ginakabig sang NYU si Taylor bilang “one of the most prolific and celebrated artists of her generation.”
Nahibalu-an nga si Taylor ang 11-time Grammy winner kag tuman na subong ka sikat sumugud sang iya gin-release ang iya pinakauna nga studio album sang 2006.
Kilala man ini nga Most awarded artist sa American Music Awards’ history kag Billboard’s first-ever kag only two-time winner sang Woman of the Decade Award.
Pila sa mga sikat nga kanta ni Taylor amo ang “All Too Well,” “Blank Space,” “Look What You Made Me Do,” kag “Style.”
