ILOILO CITY – Ginbuyagyag sang anay Azkals team captain nga si Stephan Schröck ang indi maayo nga pagtrato sa iya sang mga tawo nga naga-manage sang Philippine national football team.
Ang ginatumod ni Schrock nga katapo sang national team managers ang wala na niya ginhingadlan.
Suno sa iya, gintulon niya ang iya pride agud nga mabuligan ang pungsod apang dismayado ini sa indi manami nga eksperyensya.
Ang pahayag ni Schröck ang naggwa masobra isa ka semana pagkatapos nga gin-appoint bilang head coach sang Azkals si Thomas Dooley nga nagin coach man sang national team sa maiden appearance sa AFC Asian Cup sang 2018.
Sang 2014, ginpahayag ni Dooley nga indi niya pagpahampangon si Schröck para sa Philippine national team bangud sang ila away nga nag-leak sa social media sites.
Apang sang 2015, nakay-o sang duha ang problema matapos nga nagpangayo sang pasaylo ang player sa iya nga coach.
