ILOILO – Magapasundayag ang Special Olympics Pilipinas sa Special Olympics World Games nga patigayunon sa Berlin, Germany sa Hunyo 17 tubtob 25, 2023 nga ginakabig nga isa sa pinakadako nga inclusive event sa kalibutan.
Ang Pilipinas ang magapadala sang anum ka mga atleta sa maragtason nga Special Olympics nga isa ka palaagyan sa mga indibidwal nga may intellectual disabilities agud ipasundayag ang tagsa ka physical abilities pinaagi sa sports.
Sa interview sang Bombo Radyo kay Princess Garcia, isa ka swimmer, preparado na ini nga magpasundayag sa kompetisyon bangud sa nangin maid-id nga training sini.
Suno kay Garcia, madugay na niya nga handom ang magpasakop sa nasambit nga international contest.
Nagahingyo man ang natungdan nga pangamuyuan ini kag ang Team Philippines sa ila Olympic journey.
Nahibaluan nga ang Team Philippines ang ginapamunuan ni Olympian Akiko Thomson-Guevara, isa ka eight-time gold medalist nag nagaserbe bilang pinuno sang delegasyon, kag national chairperson kag president sang board of trustees.
Samtang, ang Team Philippines ang ginalakipan nanday Noel Cartera sa aquatics; Flordeliza Baento kag Marco Gaite sa athletics; Robin Conana kag Kamille Tingzon sa bocce.
