ILOILO CITY – Nagpatigayon sang isa ka courtesy visit sa Philippine Embassy sa Vietnam ang Team Pilipinas sa ila una nga adlaw sa Hanoi.
Ang team ang ginpangunahan ni Ramon Fernandez, ang chef de mission sang punsgod sa 31st Southeast Asian Games kag isa man ka commissioner sa Philippine Sports Commission (PSC).
Sila ang mainit nga ginbaton ni Ambassador Meynardo Montealegre.
Ginpahayag ni Fernandez kag Montealegre nga malipayon sila kag nagapasalamat sa nangin suporta sini sa Team Pilipinas.
Ginpasalig man sang ambassador si Fernandez nga ang Team Pilipinas ang may yara sang puluy-an sa Hanoi kag ila gid nga ma-enjoy ang tuman ka aktibo nga Filipino community sa nasambit nga syudad.
Sa pagkamatuod suno kay Montealegre, may yara na sang mga Filipinos nga naghalin pa sa Ho Chi Minh City nga naga-inquire sang tickets kag kun paano sila makahatag sang suporta sa Team Pilipinas.
Gin turn-over man ni Fernandez ang listahan sang myembro sang bilog nga Philippine Delegation para sa ila nga reference.
Kabahin sang nag-upod kay Fernandez amo sanday PSC deputy executive director for finance and administration Merlita Ibay kag pila ka mga staff.
Ang duha naman ka deputy chefs de mission nga sanday Carl Sembrano kag Pearl Managuelod ang nag-upod sa una nga bahin sang delegation registration meeting
