Nagsugod na sa pag-abot sa Pilipinas ang dalagku nga teams nga magapasakop para sa Volleyball Nations League (VNL) Manila leg.
Isa diri ang fan-favorite kag World No. 5 nga Team USA nga magasugod sang ila kampanya sa tournament paagi sa sambuwa batok sa Iran sa Martes.
Mainit naman nga gin-abi-abi diri sa Pilipinas ang teams sang World No. 4 nga Japan kag No. 12 nga Canada nga maga-atubangay man sa Martes sang gab-i sa Mall of Asia Arena.
Nalakip sa walo ka top-tier teams nga magahampang amo ang Netherlands, 2021 VNL champion nga Brazil, no.11 nga Germany, kag 2022 winner nga France.
Ini nga tournament ang magasugod sa Hunyo 18 kag magalawig tubtub sa Hunyo 23 kag amo na ang ikatatlo nga sunod-sunod ngaa tuig nga ginpatigayon sa Pilipinas.
