ILOILO CITY – Agaw-atensyon ang ginapatuman nga physical distancing measure sa isa ka kalan-an sa syudad sang Iloilo.
Ini bangud nga daku nga teddy bear nga may suksok nga raincoat kag face mask ang ginabutang sa tagsa ka bangko agud nga indi magtuparay ang mga customer.
Sa interview sang Bombo Radyo kay Junalyn Barnuevo, restaurant supervisor, iya ginpahayag nga mismo ang tag-iya ang naka-isip sang nasambit nga lihok.
Suno kay Barnuevo, sa pagsulod sa kalan-an, ang customer ang kinahanglan nga mag-agi sa non-contact thermometer para sa temperature check, kinahanglan man nga mag-disinfect antes magsulat sa manifesto antes maka-order.
Ginpahayag ni Barnuevo nga apisar wala pa sang pandemya, ginapaidalom sa disinfection ang utensils nga ginagamit sang customers.
