MANILA – Ginsaway ni Presidente Rodrigo Duterte ang pigado nga serbisyo nga ginahatag sang telecommunications companies sa pungsod ilabi pa nga sa online na lang ginapaagi ang pagtudlo sa mga estudyante bangud sa COVID-19 pandemic.
Sa iya public address kagab-i, nagpabutyag sang pagkahangawa si Duterte ilabi na nga maga-umpisa na sa Oktubre 5 ang klase sa public schools sa idalom sang Department of Education.
Suno kay Duterte, dapat nga kaayuhon sang mga telcos ang paghatag sang serbisyo sa publiko.
Ginpahayag ni Duterte nga kun masarangan lang niya, madugay na niya nga nasolusyunan ang nasambit nga problema.
