ILOILO CITY – Nagpanawagan ang isa ka telecommunication company sa gobyerno nga i-consider ang pagpalawig pa sang deadline sang mandatory nga Subscriber Identity Module ukon SIM card registration bangud sang manubo nga registration turnout.
Sa ginpagwa nga statement sang telecommunication company, 32 percent lamang ukon 27.85 million sang total mobile customer ang nakaparehistro, duha ka semana antes ang deadline nga Abril 26.
Ang iban nga mga telecommunication companies ang may kaangay man nga observation.
Samtang, ang Department of Information and Communications Technology ang wala pa naka-desisyon sa ginaduso nga extension.
Apisar sang mga tikang nga ginapatuman sang gobyerno, ginpahayag sang telco nga ang kakulang sang government IDs kag ang mga digital challenges ang nagapabilin nga upang sa pag-maximize sang registration.
Sa latest nga data sang ahensya, nagdangat sa 64.1 million nga mga SIM cards ang natigayon na nga marehistro.
