MANILA – Ginaduso ni House of Representative Ways and Means Committee chairman kag Albay 2nd District Rep. Joey Salceda ang telemedicine bill agud mapasangkad ang eHealth services kag matapna ang kurapsyon.
Ang House Bill No. 7422 ukon Philippine E-Health and Telemedicine Development Act of 2020 ang magahatag sang serbisyo sa mga underserved communities paagi sa telemedicine.
Sa pagpaathag ni Salceda, kinahanglan ang mga alternatibo nga lihok sa healthcare delivery ilabi na subong nga may pandemya kag isa na diri ang paghatag sang online consultations.
Magluwas diri suno kay Salceda, ang telehealth sa bulig sang verifiable system kag data analytics ang mabudlay nga daya-on rason nga limitado ang kurapsyon.
Ginpahayag man ni Salceda nga weak ukon pigado ang health care system sa Pilipinas kag nagakadapat na nga ilisan.
Katuyu-an sang nasambit nga hagna amo ang pag-regulate sang eHealth services and solutions kag pagtib-ong sang infrastructure and develop framework para sa strategy kag investments sa health sector.
