ILOILO CITY- Liwat nga ginaabisuhan ang mga motorista kag mga commuters may kaangtanan sa temporary road closure sa Barangay Ungka II, Pavia, Iloilo nga nag- umpisa kahapon, Mayo 17 kag magatakop sa Mayo 20.
Sa interview sang Bombo Radyo kay Pavia Sangguniang Bayan Member Pyt Trimañez, chairman sang Committee on Transportation, iya ginpahayag nga may yara sang mga motorista nga nagatalang bangud wala na-inform tuhoy sa road closure.
Suno kay Trimañez, sakop sang closure ang highway gikan sa U- turn slot malapit sa exit sang Christ the King Memorial Park sa Barangay Ungka, Jaro, Iloilo City pakadto sa Circumferential Road.
Nahibaluan nga may yara sang gina- install nga tag- walo ka girders sa nabilin nga tatlo ka spans sang fly-over agud makompleto na ang walo ka spans.
Ang closure magasugod alas-siete sa aga tubtob alas-singko sa hapon.
Yari ang mga alternatibo nga ruta para sa mga motorista:
Kon naghalin sa Balabago, Jaro ; Leganes kag Dumangas padulong sa Iloilo City, mahimo maglabay sa masunod nga ruta: Circumferential Road pakadto sa Barangay Tacas, pakadto sa Quintin Salas, lapos sa Jaro Plaza
;Circumferential Road pakadto sa Buhang, Jaro, pakadto sa Jaro Plaza; Iloilo Capiz Road pakadto sa Jaro Plaza
Kon naghalin sa Iloilo City pakadto sa Sta. Barbara, Cabatuan, Maasin, Janiuay, Lambunao, kag Calinog,mahimo maglabay sa masunod nga ruta: Jaro pakadto sa Quintin Salas, pakadto sa Barangay Tacas, lapos sa Pavia Road; Jaro pakadto sa Circumferential Road pakadto sa City Mall Pavia; Jaro pakadto sa Jibao-an,Mandurriao, pakadto sa Circumferential Road Pavia
Kon naghalin sa central towns, mahimo maglabay sa masunod nga ruta: Pavia pakadto sa Barangay Tacas,pakadto sa Quintin Salas tubtob sa Jaro Plaza; Pavia pakadto sa Barangay Jibao-an, pakadto sa (Bangga Singko),diretso sa Mandurriao; Sta. Barbara, pakadto sa Taft Street, lapos sa Agutayan Road pakadto sa Pagsanga-an Road, diretso sa Tacas, Jaro; Pavia Circumferential Road, pakadto sa Old Railway Road diretso sa Ungka ITGSI Terminal
