Gin-aprubahan na sang konseho ang temporaryo nga pagpasarado sang Jalandoni Flyover para sa isa ka rehabilitation ukon rectification matapos ang pila ka mga reported incidents bangud sa madanlog nga asphalt overlay.

Madumduman nga sang tuig 2025, bulan sang Setyembre tubtob Disyembre, temporaryo nga ginpasarado ang bahin sang nasambit nga flyover para sa asphalt patching kag overlay works.

Apang matapos ang pag-reconstruct sang flyover, madamo sa mga motorista ang nagareklamo nga halos indi sila makapreno bangud sa madanlog nga aspalto.

Sa interview sang Bombo Radyo kay Councilor Sedfrey Cabaluna, Committee Chair sang Public Safety and Transportation, iya ginpahayag nga nagpadala sila sang sulat kay Engr. Denise Maria Ayag, Regional Director sang Department of Public Works and Highways agud nga liwat nga kay-uhon ang madanlog nga asphalt overlay sa Jalandoni Flyover.

Natalana ang rectification sang flyover humalin Pebrero 21 tubtob Marso 21.