Sulod na sa semifinals sang ASB Classic doubles sa Auckland, New Zealand ang Filipina tennis star nga si Alex Eala kag ang iya American partner nga si Iva Jovic.
Natigayon ini paagi sa walkover matapos nag-withdraw ang decorated doubles tandem nanday Jesika Maleckova sang Czechia kag Renata Zarazua sang Mexico.
Sa Sabado, atubangon sang Filipino-American pair ang third-seeded Chinese pair nga sanday Yifan Xu kag Zhaoxuan Yang.
Nahibaluan nga pareho man sanday Eala kag si Jovic nga nag-abante na sa quarterfinals sang singles tournament sang amo nga WTA 250 tournament.
Pagkatapos sa New Zealand, balantayan ang 20-anyos nga Pinay tennis ace sa main draw sang Australian Open nga magasugod man subong nga bulan.#
