Todo na ang preparasyon sang 19-anyos nga Pinay tennis star nga si Alex Eala kaangot sa iya pagsabak sa Miami Open main draw.
Isa siya sa pito ka mga players nga nahatagan sang wildcard sang Women’s Tennis Association (WTA) para sa nasambit nga prestihiyoso nga tennis event.
Magasugod ini sa Marso 18 sa Hard Rock Stadium sa Miami, Florida, USA.
128 ang kabug-usan nga players sa field, kag magasulod si Eala sa tournament bilang third seed sa wildcard entries.
Nagapang-140 ang nasambit nga two-time Asian Games bronze medalist sa world rankings.
Matandaan nga nalab-ot sini ang career-high ranking nga No. 134 sini man nga 2025.
Gina-uyatan man sini ang record bilang junior doubles champion sa Australian Open kag French Open kag isa man ka junior singles titlist sa US Open.
Graduate siya sang Rafael Nadal Academy nga nakahimo man sang pangalan sa Miami Open sang naka-abante ini sa second round sang amo man nga tournament sang nagligad nga tuig.
