ILOILO CITY – Mahimo nga ma-depensahan ni defending Wimbledon champion Novac Djokovic ang iya titulo bangud indi requirements sa amo nga tournament ang vaccination.
Suno kay All England Club Chief executive Sally Bolton, ang requirements sang gobyerno sang United Kingdom ang wala nagalakip sang mandatory vaccination apang gina-encourage kuntani.
Bangud sini, may tyansa si Djokovic nga makuha ang iya ika-pito nga kadalaga-an sa Wimbledon.
Kung madumduman, napaslawan si Djokovic nga magpasakop sa Australian Open bangud indi ini bakunado.
Sang damlag lang, ginlutos ini ni Russian star Andrey Rublev sa final sang Serbia Open.
Ang 2022 Wimbledon Championships ang magasugod sa Hunyo 27 kag magatakop sa Hulyo 10.
