ILOILO CITY – Mahibaluan pa sa sulod sand duha ka semana kun bala makahampang sa Wimbledon ang tennis star nga si Rafael Nadal.
Si Nadal ang nagpaidalom sa pulsed radiofrequency treatment sa iya tiil bilang pagpanghanda sa iya grass-court Slam nga magasugod tatlo ka semana pagkatapos sang iya record-extending nga kadalag-an sa French Open.
Sa subong, manami ang recovery ni Nadal kag i-evaluate ang sitwasyon niya pinaagi sa isa ka match.
Kung may yara sang may mabatyagan nga discomfort si Nadal, tan-awon pa sang team kun bala mahimo ini nga magpasakop sa Wimbledon.
Nahibaluan nga si Nadal ang may kondisyon nga ‘Muller-Weiss syndrome’ kun sa diin, naga-deteriorate ang tul-an sa iya tiil.
Sang nagligad, antes ang match, naga-take sang pain-killing injections si Nadal apang indi niya gusto nga liwaton sa iban pa niya nga hampang.
Ang sitwasyon ni Nadal ang yara na nga daan sang pagsugod gid sang pro career niya apang naglala ini sang nagsugod ang COVID-19 pandemic nga nagpa-untat sa iya sa hampang sa sulod sang lima ka bulan sang 2021.
Nagbalik pagid ini antes ang iya French Open match.
Siya ang ginbulong sa Barcelon kag nakabalik na sa Mallorca.
