Gin-athag sang Department of Energy (DOE) nga indi makaapekto sa presyo sang produktong petrolyo sa Pilipinas ang tensyon sa tunga sang Venezuela kag Estados Unidos sang Amerika.
Suno kay DOE Oil Industry Management Bureau director Rino Abad, ang oil exportation sang Venezuela ang mas manubo pa sa 1% sang global supply.
“Matagal na hong nasa-sanction ang Venezuela pero ang ine-export nila, around September, November, ay umaabot ng mga one million barrels per day. So yan po ay less than 1% ng global supply,” suno kay Abad.
Magluwas diri suno sa iya, halos China lang ang nagabakal sang langis sa Venezuela.
“So kung makakaapekto ba ‘yan? Isa ba ‘yang mabigat na supply disruption? Hindi ho. At pangalawang aspeto, sino ba ang bumibili lang ho diyan? Ang bumibili lang ho niyan ay almost China lang,” dugang sang opisyal.
Bangud sini suno sa iya, indi maapektuhan sang krisis ang suplay sang langis sa kalibutan.
Pahayag sini, wala man naga-import sang langis ang Pilipinas halin sa amo nga pungsod sa Latin America.
“Siguro, at most ang magiging effect kung mayroon man ay yung temporary na pag-increase because of the speculation…Pero dahil may speculative nature yung price, baka mag-increase lang ang price temporarily,” suno sa DOE official.
Sabado sang kaagahon sang gindakop sang US military si Venezuelan President Nicolas Maduro kag iya asawa nga si Cilia Flores kag gindala sa New York para mag-atubang sa sampaw-sampaw nga mga kaso nga naangot sa iligal nga droga.
Una naman nga ginpanindugan ni Maduro nga ang mga kaso sang US batok sa iya nag-ugat sa interes sang Trump administration nga angkunon ang oil resources sang Venezuela.
