RUSSIA – Gintapos na ni Russian President Vladimir Putin ang mga pamangkutanon sang publiko may kaangtanan sa plano niya nga magpabilin sa pwesto bilang presidente sang Russia.
Ini matapos nga ginsuportahan ni Putin ang constitutional ammendment nga magahatag sa iya sang pahanugot nga magpabilin sa iya nga posisyon tubto 2036.
Nahibaluan nga napasa na sang Kremlin-controlled Duma sa ikatatlo nga pagbasa ang nasambit nga ammendment.
Sa boto nga 383-0 sa diin 43 ang nag-abstain, ginpasaka na ang constutional barrier ni Putin.
Nakasaan sa nasambit nga proposal nga mahimo nga makapabilin sa iya nga posisyon bilang presidente sang Russia si Putin paagu sa pagkakas sang two-term limit nga ginapatuman ukon pag-reset sa termino ni Putin.
Una na nga ginpakamalaot sang mga kritiko ni Putin ang nasambit nga tikang bangud suno sa ila maathag nga isa ini ka cynical manipulation.
