Magatanyag sang libre nga training program ang Technical Education and Skills Development Authority (TESDA) para sa mga contact tracers umpisa sa bulan sang Setyembre.
Suno kay Aniceto Bertiz III, TESDA deputy director-general for partnerships and linkages, ang 15 day program ang ipaagi sa blended distance kag face to face learning.
Pahayag niya, nagabuliganay ang TESDA kag Department of Health agud makahimo sang core competency standards para sa panibag-o nga programa.
Ang luyag nga magpaidalom sa contact tracing training ang kinahanglan nga naka kumpleto sang indi magnubo sa 10 ka tuig nga basic education kag may good communication skills.
