ILOILO- Nagakadapat nga may yara sang available test kits sa probinsya sang Iloilo agud makapatigayun sang testing sa Coronavirus Disease 2019 (COVID-19).
Sa interview sang Bombo Radyo kay Mayor Macario Napulan sang Miag-ao, Iloilo, iya ginpahayag nga nagapati siya nga may yara na nga daan sang COVID-19 bangud may yara siya sang naobserbahan nga pattern.
Suno kay Napulan, ang pasyente ang ginatrangkaso, matapos ang pila ka adlaw gilayun man nga magaayo apang makaligad ang pila ka adlaw, may yara na sang ubo kag severe pneumonia.
Suno kay Napulan, kun tani may record ang mga doctor sa Iloilo kun pila ka mga pasyente ang may kaangay nga pattern para sa monitoring.
Ginpahayag ni Napulan nga ang tanan ang ginakulbaan nga makalab-ot sa Iloilo ang virus apang wala sang ihibalo kun bala may local carrier nga yara sa palibot.
Kun tani, kun ano ang availability sang test kit sa dengue, amo man ang availability sang test kits para sa COVID-19.
