Liwat nga ginbalik sang US South kag West officials ang paghugot sa health measures kaangay sang pagpabilin sa sulod sang balay bangud sa padayon nga pagtaas sang numero sang kaso sang COVID-19 sa Estados Unidos.
Lakip sa mga opisyales nga naghalog sang restrictions sa bahin sang negosyo kag turismo amo si Texas Governor Greg Abbott apang sa subong nagapanawagan ini sa mga residente nga magtinir sa sulod balay.
Suno kay Abbott, kun indi malikawan ang pagguwa sa balay, kinahanglan nga magsuksok sang facemask.
Sa bahin naman sang New York, New Jersey kag Connecticut, mandatory ang pagpaidalom sa quarantine ilabi na kun halin ang tawo sa Alabama, Arkansas, Arizona, Florida, South Carolina, North Carolina, Washington, Utah kag Texas.
Sa subong, 2,487, 638 ang kaso sang COVID-19 sa Estados Unidos sa diin 126,372 ang patay kag 1,043,520 ang naka recover.
