Gina-monitor na sang Task Force on Moral Values and Formation (TFMVF) ang mga accommodation establishments kaangay sang Lodging Houses, Pension Houses, Inns, Hotels, Motels kag Apartelles, para sa palaabuton nga Valentine’s Day sa Pebrero 14.
Sa interview sang Bombo Radyo kay Mr. Nestor Canong, head sang Task Force, iya ginpahayag nga naglab-ot na sa 22 ka mga establisyemento ang ila nga ginpangkadtuan kag gin-remind angot sa ordinansa nga nagadumili sa pagsulod sang mga menor de edad sa nasambit nga mga establisyemento sa amo nga adlaw.
Nahibaluan nga ang Iloilo City Regulation Ordinance No. 2015-447 ang istrikto nga ginapatuman para sa proteksyon sang mga menor de edad.
Ini amo ang ordinansa nga nagapahanumdom sa kun sin-o man ukon amo man nga establisyamento ang madakpan, ang mahimo nga multahan sang P5,000 ukon silutan sang pagkapreso sa masulod sang isa ka tuig kag possible nga kanselasyon sang business permit.
Suno kay Canong, may ara ila sang mga personnel kag Community Watch Group nga magabantay mismo sa mga establisyemento sa tion sang Valentine’s Day.
 ang mga accommodation establishments kaangay sang Lodging Houses, Pension Houses, Inns, Hotels, Motels kag Apartelles, para sa palaabuton nga Valentine's Day sa Pebrero 14.){kind=link}