THAILAND – Linibo nga mga democracy activists ang nagpatigayon sang hublag potesta sa Bangkok sa diin panibag-o nga mga istratehiya ang ila ginhimo kaangay na lang sang ila ginatawag nga “coup prevention”.
Katuyuan sang hublag protesta nga i-demand ang pagbag-o sang konstitusyon, reporma sa monarkiya kag pag-resign ni Prime Minister Prayut Chan-O-Cha.
Dala sang mga protesters amo ang inflatable Santa Claus kag yellow rubber ducks nga simbolo sang ila pagprotesta.
Bilang kabahin sang ila ginatawag nga “coup prevention” drills, ang rubber ducks ang ginabutang sa ila ulo kag ginapasa-pasahan agud nga irepresenta ang mga militar nga nagabalewal sa mga tawo para lang sa pulitika sang Thailand.
