Gin-ako sang Golden State Warriors superstar nga si Stephen Curry nga nagahilapit na ang pagtakop sang iya karera sa National Basketball Association (NBA).
Suno sa 36-anyos nga shooter, mas ginaapresyar niya ang iya ika-16 nga season sa liga bangud sa kamatuoran nga malapit na siya magpaalam sa madinuagon nga career sini sa liga.
“It’s okay to accept and acknowledge that the end is near,” pahayag sini. “But only because it allows you to enjoy what’s happening right now. But I think the more you talk about it and the more you acknowledge it, the more it levels up the sense of urgency in the moment, now.”
Si Curry ang nanguna sa Warriors agud makuha ang apat ka NBA titles.
Siya man ang two-time NBA Most Valuable Player, 10-time All-Star kag all-time leader sa 3-point shots nga nahimo nga subong lab-ot na sa 3,841.
Apisar sa dos puntos gid lamang nga iya nahimo batok sa Memphis Grizzlies sang nagligad nga semana, produktibo siya gihapon subong nga season nga may average nga 21.8 points, 5.0 rebounds kag 6.6 assists per game.
Naatubang man sang Warriors meet ang Los Angeles Lakers sa California Christmas showdown kag subong eighth place sa Western Conference.
