May espesyal nga shoutout si Pope Francis sa mga Pilipino nga Katoliko bangud sa dalayawon kag hugot nga pagtuo.
Natabo ini sa speech sang Santo Papa sa pagbisita sang Filipino community halin sa Spain.
“The Filipinos are men of faith, women of faith. Some of you work here in the Vatican and it is fantastic, the faith they have and the witness they give is fantastic,” pahayag sini.
Nagpasalamat ini sa Filipino Catholics kag naghingyo nga padayunon ang amo sini nga pagtuo sa tunga sang sosyudad nga puno na sang manggad kag nagapaindis-indis.
Nahibaluan nga ang pagbisita sang mga Pinoy sa Vatican ang kadungan sang ika-25 nga anibersaryo sang canonical establishment sang personal parish sang Immaculate Conception kag Saint Lorenzo Ruiz sa syudad sang Barcelona sa Espanya.
Ginlaragway man ni Pope Francis si Saint Lorenzo Ruiz bilang “beautiful figure” nga nagapakita sang “integration of cultures.”
“He had to leave his homeland because of injustice, in his case defamation, like many people who even today find themselves forced to emigrate to save their own lives or to seek a better future,” suno sa Santo Papa.
“Finally, once he arrived in the land that should have welcomed him, God asked him to bear witness to his faith with the greatest test of love: by offering his own life.”
Bisan 88-anyos na si Pope Francis, wala man sini ginkalimtan ang iya pagbisita sa Pilipinas sang 2015.
“I cherish two beautiful memories of you, of my visit to your homeland: the seven million people at the Mass in Manila, and then the Mass in Tacloban. With the rain and the wind, I remember we had to rush out because a storm was coming,” suno sa Santo Papa.
Matandaan nga sa selebrasyon sang ika-500 nga anibersaryo sang pag-abot sang Katolisismo sa Pilipinas, gindayaw man ni Pope Francis ang mga Pinoy sa ila ihibalo sa pagpas-an sa krus kag pagpadayon sa paglakat bisan sang mga kasakit kag kabudlayan.
Sang 2019, gin-updan man sang Santo Papa ang mga Pilipino sa Vatican sa tradisyonal nga Simbang Gabi kun sa diin gintawag sini ang mga Pinoy nga malipayon nga mga tawo bangud sa pagtuo sa ila nga mga tagipusuon.
