AUSTRALIA--Kun sa Pilipinas ginaugtasan sang mga pumuluyo ang hoarding sang face mask sa kasagsagan sang coronavirus disease 2019 (COVID-19), sa Australia naman, toilet paper ang masami ginakolekta sang mga tawo.
“I think there’s an unnecessary panic going on, and it’s crazy. Absolutely crazy,” pahayag sang isa ka customer matapos maobserbahan nga madamo sa mga shoppers ang nagabakal sang madamo nga rolls sang tissue papers kag ginasakop pa ang iban nila nga mga abyan kag pamilya.
Makit-an nga nagakahubsan na sang suplay sang toilet paper ang mga supermarket shelves.
Subong nga Mierkules, ang Australian recycled toilet paper company nga ‘Who Gives a Crap’ ang nag-anunsyar nga out-of-stock na gid ang amo nga item.
Sa isa ka statement nga may pangulong-dinalan nga ‘holy crap’, ginpahayag sang kompaniya nga may yara sang talalupangdon nga ‘panic buying madness’ sa mga residente amo nga naubos ang suplay.
“We also want to acknowledge that these are crazy times,” pahayag pa sang kompaniya samtang ginahingyo sa mga kustomer nga magpabilin lang nga kalmado apisar sang nagalapta nga makamamatay nga virus.
“We feel it too. We’re thinking a lot about how we can do our bit to encourage kindness, empathy and calm. If you have spare rolls, see if your neighbours need some. Go and support your favourite Chinese restaurant. Watch some puppy videos,” dugang pa sang amo nga kompaniya.
“People are panicking? It’s not that. We just make sure we’ve got enough for every fortnight,” depensa naman sang isa pa ka kustomer.
Nahibaluan nga indi lang sa Australia nagakatabo ang amo nga ‘panic-buying’.
Sa Japan, gina-alegar nga nagakaubos man ang suplay sang tissue paper, rason nga nagtaas ang bili sini.
Gilayon man ini nga ginsabat ni Hirofumi Hayashi, chairman sang Japan Tissue Industry Association, nga nagpahayag: “There are plenty of supplies. We would like consumers to take action based on correct information.”
