Wala ginpalampuwas ni Surigao del Norte Rep. Robert Ace Barbers ang pahayag ni Sen. Ronald Dela Rosa nga isa ka “gag show” ang imbestigasyon sang House of Representatives quad committee kaangot sa drug war sang Duterte administration.
Sa ika-10 nga inquiry sang mega panel, ginsiling ni Barbers, overall chairman sang quad comm, nga importante ang ongoing investigation para makalkal ang kamatuoran sa likod sang linibo nga ginpamatay sang ginpatuman ang war on drugs campaign sang nagligad nga administrasyon.
“We may be accused of providing entertainment and likened to a gag show, but who is laughing?” suno kay Barbers.
“On the contrary, the one who said that must be so full of himself that he didn’t notice that the joke was on him,” dugang sini.
Si Dela Rosa amo ang hepe sang Philippine National Police (PNP) sang ginpatuman ni Duterte ang drug war.
Una na siya nga gin-imbitahan man sa hearing sa Kamara apang nagpamalibad nga magtambong.
“If along the way, people are found to be liable, it is our duty to make sure that justice is served. There is nothing funny about it. We only mean serious business,” dugang ni Barbers.
ISYU VS BATO
Una na nga ginkwestyon ni Abang Lingkod Party-list Rep. Joseph Stephen Paduano ang partisipasyon ni Senator Ronald ‘Bato’ Dela Rosa sa imbestigasyon sang Senado sa drug war sang Duterte administration.
Dapat suno kay Paduano nga magpakita man si Dela Rosa sang “courtesy” sa iya official responsibility bilang myembro sang Senate kag dapat nga nagpungko siya kuntani bilang resource person.
“He also admitted that there were killings attributed to the war because of alleged cases of gun violence. In short, he was not only involved but was in fact one of the figureheads of the campaign during its inception,” pahayag sini.
Ginplastar sini kun daw ano ka sala nga si dela Rosa ang isa sa maga-imbestigar sa drug war bisan nga siya man ang isa sa may pinakadaku nga papel sa war on drugs bangud nakapungko siya bilang chief sang Philippine National Police (PNP) sang panahon ni Duterte.
“Clearly, this is a conflict of interest on his part. At the very least, he should have inhibited from the proceedings and instead offered himself as a resource person so as not to influence and intimidate the other guests,” dugang sang quad comm co-chairman.
Ang Nobyembre 7 nga inquiry sang quad comm — Committees on Dangerous Drugs, Public Order and Safety, Human Rights, and Public Accounts — amo na ang ikaduha nga tion nga gin-imbitaran ang former president apang wala nagtambong.
