“Answered prayer” para sa mag-asawa nga sanday Alex Gonzaga kag Mikee Morada ang panibag-o nga pagdala sang actress-vlogger sa ila anak.
Sa emotional post ni Alex, Mayo 21, malipayon sini nga ginpahibalo nga nagabusong siya liwat matapos nga tatlo ka beses gid nga nahulugan sang una.
Anum ka tuig na sila nga kasado sang iya bana kag apisar tatlo ka beses sila nadulaan sang mangin anak, wala sila nadulaan sang pagtuo kag padayon nga gintugyan ang tanan sa Ginuo.
“After almost 6 years of marriage and 3 heartbreaking losses, we never lost faith and continued to surrender everything to the Lord,” caption sini sa post.
Gindala sini sa video compilation ang tanan nga masubo nga tion kag ang mga tion nga padayon sila nga naglaum bilang mag-asawa.
Ginpahayag ni Alex nga nagapreparar na sila ni Mikee para sa in vitro fertilization (IVF) antes nila nadiskubrehan ang natural pregnancy sang aktres.
Tuman ang ila pagpasalamat sa tanan nga nagsuporta kag nagbulig sang pagpangamuyo para sa ila bilang soon-to-be mommy and daddy.
“By God’s grace, our prayers have been answered, and we are finally going to be mommy and daddy,” dugang sini. “The Lord Jesus truly answers prayers.”
2024 sang katapusan nga nahulugan si Alex bangud sa blighted ovum ukon ang condition kun sa diin ang fertilized egg ang yara sa uterus apang wala naga-develop sa embryo.
Antes sini, nahulugan man si Alex sang 2021 kag sang 2023.
2020 sang ginkasal sanday Alex kag Mikee matapos ang apat ka tuig nga pag-date.#
