Liwat nga nasiplatan sa Ayungin Shoal sa West Philippine Sea ang China Coast Guard (CCG) 5901 ukon ang “The Monster” nga amo ang pinakadako nga coast guard ship sa kalibutan.
Ini suno sa maritime expert monitoring ship movements sa West Philippine Sea.
Ginpahayag ni former US Air Force official kag former Defence Attaché Ray Powell nga ang CCG 5901 ang nag-upod sa CCG 5203 sa Ayungin Shoal kaina sang aga.
Matandaan nga sang Hunyo 24 sang ulihi nga nakit-an ang CCG 5901 sa Ayungin Shoal on June 24.
Ang paglayag sini sa West Philippine Sea ang kasunod sang bayolente nga insidente sa shoal sang Hunyo 17 nga nag- involve sang Chinese kag Filipino personnel nga nagresulta pa sa pagkautod sang tudlo sang isa ka Filipino navy officer.
Base on monitoring sang Philippine authorities, sa sulod sang 10 ka adlaw, ang Chinese vessel nag-agi sa 12 ka features sang West Philippine nga amo ang Parola Island, Pagasa Island, Zamora Reef, Bayani Bank, Union Bank, Kagitingan Reef, Rizal Reef, Panganiban Reef, Lawak Island, Patag Island, Escoda Shoal kag Bajo De Masinloc.
Magluwas sa sini nga mga area, ang higante nga barko ang nagpadulong man sa kadagatan nga sakop sang El Nido, Palawan kun sa diin 34 nautical miles ang distansya sini sa baybayon.
Ang Chinese vessel ang ulihi nga namonitor nga yar sa 46 nautical miles southeast sang Sanya, Hainan sa China sang Hunyo 27.
