Nagdangat sa 750 ka mga personnel ang ginpalapta sang Philippine Coast Guard (PCG) sa Western Visayas agud magbulig sa pagbantay sang seguridad sa 2025 national and local elections.
Kahapon, Mayo 9, sang ginpatigayon ang send-off ceremony sa Zone II, Bo. Obrero, Lapuz, Iloilo City kaupod sa stations, sub-stations, kag operational control units.
Gin-deploy sila sa nagkalain-lain nga mga pantalan kag presinto sa Rehiyon VI.
Nagpanguna sa seremonya si CG Western Visayas Commander Commodore Philipps Soria. Yara man sa event si Reverend Father Lieutenant Ronel O. Dizon PCG para sa paghatag sang blessing sa tanan nga CGDWV personnel para sa ila safety sa tion sang eleksyon.
