Magalala pa ang Coronavirus outbreak apisar sang pag-bangon kag pag progreso sang iban nga mga pungsod.
Ini ang nangin pahayag ni World Health Organization Chief Tedros Adhanom Ghebreyesus.
Suno sa natungdan, 6 ka bulan sang nagtuhaw ang virus apang indi pa niya mahambal kun tubtob san-o matapos ang pandemya nga gina-eksperyensya sang tanan.
Nagdangat na sa tunga sa milyon ang ang nagkalamatay kag masobra 10 million na ang infected.
Pahayag niya, apisar dako ang nadula sa bilog nga kalibotan– ma pa ekonomiya man kag mismo kabuhi sang tawo, indi kinahanglan nga madulaan pa gid sang paglaom ang tawo.
Bangud sa sini nga pandemya dugang niya, naguwa ang pagka-mabinuligon sang tawo apang indi manigar nga madamo man ang nagapalapta sang sala nga impormasyon.
