Magluwas nga na-diagnose nga may lima ka autoimmune diseases, ginsapubliko man sang “Queen of All Media” nga si Kris Aquino nga may problema man ini sa iya nga korason.
Gin-share ini sang 53-anyos nga aktres sa iya conversation sa iya suod nga abyan nga si Dindo Balares nga isa man ka entertainment journalist.
“There’s a problem with my heart, Kuya Dindo — genetics. Very high cholesterol and triglycerides that at this point can’t be treated because I am underweight (91 lbs),” pahayag ni Kris kay Dindo.
“My BP (blood pressure) is misbehaving. I am normally 145/122 with a heart rate of 110-130. It’s the diastolic and heart rate that’s scary,” dugang sini.
Sa positibo nga bahin, gin-share sini nga naga-respond na ang iya nga autoimmune disease sa methotrexate nga amo ang iya chemotherapy. Nagbalik man pati ang iya nga cravings sa pagkaon. Gindayaw man sini ang air quality sa Newport Coast sa Orange County, California, US kun sa diin siya subong nagatinir.
“Can you please thank everyone praying for me? The combination of medicine I’m being given is really effective. It’s just that after the Methotrexate and Dupixent, I am super down for four days. UCLA (University of California, Los Angeles) is very impressive. We don’t have Dupixent at home,” pahayag pa sang aktres.
“I miss my sisters so much. Time for my meds. Yes, Kuya Dindo, please thank everyone praying.”
Matandaan nga sang Pebrero, ginbuyagyag ni Kris sa atubang ni Boy Abunda nga may ginabatuan siya nga Churg Strauss, isa ka rare autoimmune disease, kag ginpakigbahin man sini ang iya kahadlok sa heart failure kag cardiac arrest.
“Because of Churg Strauss I now have cardiomyopathy. This means my heart muscles are having trouble pumping blood due to inflammation, and because of that inflammation, it’s exhausting my heart and causing it to begin to fail and ultimately, please pray with me – sana hindi tuluyang sumuko or mag cardiac arrest.”
Ginmensyonar man sini anay nga mangin crucial ang masunod nga binulan para sa iya. Una na ini naghingyo sang pangamuyo para makaupod pa sini ang iya anak nga si Bimby, 16, kag si Josh, 28, nga nagakinahanglan pa sang pagtatap bangud sa autism.#
