Todo-dayaw ang coach sang Iraq sa team sang Pilipinas nga nagahampang sa 2025 FIBA Asia Cup sa Jeddah, Saudi Arabia.
Kasunod ini sang ila nga do-or-die match kahapon sang hapon, Agusto 9, kun sa diin nagdaog ang Gilas, 66-57, nga rason kun ngaa nakaabante ini sa classification phase para sa tyansa sa quarterfinals.
Sa first quarter sang hampang, abanse na ang Iraqis, 18–12, nagpatas sa 33-33 sa second half; apang naagaw sang Pilipinas ang momentum sa third period nga nag-umpisa sa sunod-sunod nga tres ni Dwight Ramos.
Dalayon nga nakuha sang Nationals ang kadalag-an samtang nataktak naman ang Iraq nga wala gid sang daog sa Group D.
“I know for a long time, this team of the Philippines… all these players, they are superstars over there. And that is when the championship [experience is] coming, they are coming with a superstar. I’m sure that the Philippines is improving [by] playing hard games, that will help them in the future,” suno kay Iraq head coach Veselin Matic kasunod sang hampang.
Pahayag pa sini, para sa iya, sulod sa Top 4 pa-Top 6 ang Pilipinas: “For me, the Philippines is [a] top four or top six team here.”
Nahibaluan nga pang-92 naman ang Iraq sa world rankings sang FIBA.#
