Gindugangan pa sang 50 ka mga nitso ang Municipal Cemetery sang Sta. Barbara, Iloilo agud mapahamtangan sang mga residente nga nagtaliwan bangud sa COVID-19.
Sa interview sang Bombo Radyo kay Sta. Barbara, Iloilo Mayor Rema Somo, iya ginpahayag nga separado ang mga ini sa existing nga mga nitso sa nasambit nga patyo.
”May ginpaubra ako nga 50 ka nitso kag ini separated sa regular nga existing nga nitso sa sulod sang Municipal Cemetery.”
Suno kay Somo, madamo sa iya pumuluyo ang pabor sa gihapon sa direct burial sa baylo nga ipa-cremate ang ila nga himata.
Dugang sang Alkalde, ang Municipal Disaster Risk Reduction and Management Office ( MDRRMO) ang naga-assist sa mga pamilya nga napatyan sang himata bangud sa COVID-19 humalin sa punerarya tubtob sa pagpalubong.
”Syempre ang mga pamilya daw indi pa accepted ang pag-cremate sang ila nga patay. So ginapapili namon sila. They will have to choose wether nga i-cremate ang bangkay or i-direct burial.”
