Nagpabutyag sang paghinulsol sa social media ang 51 anyos nga lalaki sa California matapos nga magtambong sa isa ka party kag nalatnan sang Coronavirus Disease 2019 (COVID-19).

Sa facebook post ni Tommy Macias, iya ginpahayag nga bangud sa iya kapabayaan, ginbutang niya sa risgo ang ikaayong lawas sang iya iloy kag utod kag ini ang tuman ka sakit nga natabo sa iya nga kabuhi.

Nagpangabay si Macias sa publiko pinaagi sa iya social media post nga magsuksok gid sang mask kag mag obserba sa physical distancing.

Apang matapos ang isa ka adlaw sang nag post ini sa facebook, ginbawian man si Macias sang kabuhi bangud sa COVID-19.