Iloilo – Nakabaton sang pagpamahog sang kabuhi sanday Iloilo 4th District Representative Dr. Ferjenel Biron, Barotac Nuevo Mayor Bryant Paul Biron kag Dueñas Mayor Robert Martin Pama.
Ini matapos ang nangin resulta sa ginpatigayon nga threat assessment sang Iloilo Police Provincial Office kasunod sang serye sang pagpamatay sang mga public servants sa pungsod.
Sa interview sang Bombo Radyo kay Police Colonel Ronaldo Palomo, director sang Iloilo Police Provincial Office, iya ginpahayag nga ma yara na sang gin-deploy nga apat ka mga police personnel para sa Biron Family.
Suno kay Palomo, posible nga ang mga negosyo kag manggad sang Biron family ang motibo sang pagpamahog.
Samtang, ang pagpamahog kay Mayor Pama ang nagluntad sang nagligad nga paskwa kun sa diin nakabaton ini sang mga sulat nga nagadumili sa iya magtambong sa lighting of Christmas llights sa plaza.
Sa subong, pahayag sang natungdan, nagahilapit nalang nga matapos ang threat assessment kun sa diin patigayunon sini ang preventive measures agud masiguro ang proteksyon sang mga local chief executives kag VIPs sa probinsya sang Iloilo.
