Tiayon sang palahubog nga lalaki nga ginluthang-patay, gin-ako nga may yara sang hiligut-anon sa tunga sang biktima kag sang suspetsado

ILOILO CITY–Gintuad sang tiayon sang lalaki nga ginluthang-patay nga may yara sang hiligut-anon ang iya bana kag ang ugangan.
Ini matapos nga ginluthang-patay sang amay nga si Edwardo Miranda ang iya palahubog nga bata nga si Felimon Miranda sa Brgy. Siwalo, Maasin, Iloilo.
Sa interview sang Bombo Radyo kay Nelia Miranda, ginpahayag sini nga may yara sang kalain sang buot ang iya bana sa amay nga si Edwardo.
Ini bangud nga wala ginapahanugutan sang amay ang biktima nga magdala sang loader sa construction site nga ila gina obrahan.
Sunu pa kay Nelia, masami nga nagapautwas ang iya bana kag amo man ini ang rason sanga iya masami nga pagpahubog.
Gin-ako man ni Nelia nga may yara sang tini-on nga ginasakit siya ni Felimon pamatuod diri amo ang madamu nga reklamo batok kay Felimon sa Women and Children Protection desk (WCPD) sa Maasin.
Wala naman sang tuyo si Nelia nga pasakaan sang kaso ang iya ugangan nga si Edwardo apang iya lang nga ginahingyo nga indi sila pagpabay-an sang iya mga bata.