𝗣𝗔𝗥𝗜𝗦, 𝗙𝗥𝗔𝗡𝗖𝗘 — Naglab-ot sa 200 tubtob sa 300 euros ukon kapin P19,000 ang balor sang isa sa ka ticket sa pila ka mga kompetisyon sa nagapadayon nga 2024 Olympics sa Paris, France.
Sa interview sang Bombo Radyo kay Bombo Dinah Sauve, Bombo International Correspondent sa Paris, France, iya ginpahayag nga ang nasambit nga balor sang ticket ang mabakal sa boxing event nga pahampang sa Olympic.
Suno kay Sauve, nakadependi man sa kalayuon sa sentro sang isa ka hinampang ang mangin balor sang ticket, kon sa diin, mas mahal kon ikaw ang malapit, samtang kasarangan kon ikaw ang yara sa malayo nga bahin sang game venue.
Ginpahayag man sini nga apisar sang mataas nga presyo sang tikcets, may yara sang ginpanagtag nga mga free tickets para sa education sectors, samtang, lunsay kabataan lamang ang nakabaton bangud summer season sa amo nga pungsod.
Kalabanan naman sa mga turista nga makit-an sa France amo ang mga European kag Americans, kon sa diin, nasaksihan man sini ang mabaskog nila nga suporta sa ila mga tiglawas sa nagkalain-lain nga hinampang.
Nagalaum man ang natungdan nga makapatukod sang isa ka organisasyon ang mga Filipino agud nga maka-organisar sang mga tickets para nga mangin mas matawhay ang pagbakal kag mas mapakita ang suporta sa mga tiglawas sang Pilipinas.
