TIGBAUAN, ILOILO – Ginapadalman pa sang Tigbauan Municipal Police Station ang imbestigasyon sa lalaki nga nasapwan patay sa idalom sang taytay sa Barangay Taro, Tigbauan, Iloilo.
Ang biktima amo si Jessie Turao, 35 anyos, residente sang Brgy. Otso sa nasambit nga banwa.
Sa interview sang Bombo Radyo kay PCapt. Roy Castro, hepe sang Tigbauan Municipal Police Station, iya ginpahayag nga padayon pa ang imbestigasyon sang kapulisan kun paano nakalab-ot ang biktima sa Taro kag kun ano ang motibo sa pagpatay.
Suno kay Castro, may yara sang igo sang bala sa tuo nga dughan kag tyan ang biktima kag sadto anay gindakop ini may kaangtanan sa iligal nga droga.
May na recover man ang kapulisan nga armas kag mga bala sa lugar.
