ILOILO CITY- Magabyahe na subong nga adlaw padulong sa Egypt ang tiglawas sang Pilipinas nga si Chantal Schmidt para sa Miss Eco International pageant.
Si Schimdt isa ka Cebuana model nga napilian agud mangin tiglawas sang Pilipinas sa amo nga pageant matapos nangin finalist ini sa The Miss Philippines 2023.
Natalana ang coronation night sang Miss Eco International sa Abril 28.
Handom ni Chantal nga mangin ikatatlo nga Pinay nga makakuha sang Eco International crown.
Una nga Pinay nga nagdaug sang korona amo si Cynthia Thomalla sang 2018.
Ginsundan ini sang Akeanon nga si Kathleen Paton nga ginkoronahan sang 2022.
Ang magaturn- over sa bag-o nga magadaug amo si Nguyen Thanh Ha sang Vietnam.
