Nakuha sang tiglawas sang Pilipinas nga si Maureen Montagne ang korona sa Miss Globe 2021.
Ang nasambit nga pageant ang ginpatigayon sa Opera Theater sa Tirana, Albania.
Bag-o ang iya pagdaog, ginkoronahan man sang damlag lang ang iya batchmate sa Binibining Pilipinas nga si Cinderella Obeñita bilang Miss Intercontinental 2021 sa Egypt.
Sa coronation night sang Miss Globe 2021, ginlutos ni Montagne ang indi magnubo sa 40 ka mga kandidata sa diin siya na ang ika-duha nga Miss Globe titleholder sunod kay Ann Colis sang 2015.
Ang runners-up sa nasambit nga international pageant ang ginalakipan sang mga kandidata halin sa Nigeria (first runner-up), Turkey (second runner-up), Venezuela (third runner-up), kag Canada (fourth runner-up).
Nahibaluan nga ang 28 anyos nga beauty queen nga tumandok sang Batangas City ang nangin first runner-up sa Miss Eco International 2019.
Ang Miss Eco International 2019 title ang gin-offer sa iya matapos na-dethrone ang winner nga si Suheyn Cipriani sang Peru bangud nagabusong ini.
Wala ginbaton ni Montagne ang offer kag ang fourth runner-up nga si Amy Tinie Abdul Aziz sang Malaysia ang ginkoronahan sang amo nga tuig.
