JANIUAY, ILOILO – Malipayon nga nagselebrar sang iya ika 100 nga kaadlawan ang isa ka tigulang sa Brgy. Aguingay Janiuay, Iloilo.
Ang tigulang ginkilala si Tatay Martin Casiple ukon mas kilala sa tawag nga “Ating”, residente sang nasambit nga lugar.
Nahibaluan nga nagtaliwan ang iya nga asawa sa edad nga 84 sa gintalikdan nga tuig 2010 kun sa diin ginbilin sini sa iya ang ila nga walo ka mga kabataan.
Sa interview sang Bombo Radyo kay Alyas Lea, apo ni Tatay Martin, iya ginpahayag nga mapisan nga klase ka tawo ang iya nga lolo humalin sang una kag masami ini nga nagakaon sang laswa nga mahimo nangin rason kun ngaa naglawig ang kabuhi sini.
Sa pihak sang kamal-amon sini padayon man sa gihapon nga naga liho-liho agud magpabalhas ang tigulang nga mabaskog man sa gihapon ang lawas.
Ginpasidunggan naman ni Iloilo City Mayor Jerry Treñas si Tatay Martin sa iya nga kaadlawan kun sa diin ginhatagan ini sang P50,000 nga centenarian incentive nga personal nga ginhatag sang alkalde.
