Nasapwan nga patay ang isa ka lalaki sa hayub-hayub sa sulod sang isa ka compound sa Brgy. Pakiad, Oton, Iloilo.
Ang biktima amo si Benjamin Damaso, ginabanta 60 anyos ang edad, tumandok sang Dumangas, apang may balay sa Tanza Baybay,Iloilo City Proper.
Sa interview sang Bombo Radyo kay Punong Barangay Elmer Delos Santos sang Pakiad, Oton, iya ginpahayag nga nagareklamo ang mga pumuluyo bangud sa malain nga baho nga ila mapanamihuan sa sulod na sang pila ka adlaw.
Sang ginpangita nila ang ginahalinan sang baho, didto nakit-an ang lawas sang biktima nga nagakulob kag nagasuksok lang sang brief.
Suno kay Delos Santos, may ginasuprir na nga balatian ang tigulang nga posible kabangdanan sang iya kamatayon.
Ginlubong nalang ang tigulang bangud yara na ini sa advanced state of decomposition.
