Nasapwan ang isa ka bangkay sa suba sa Brgy. Dorong-an, Tigbauan, Iloilo.
Suno sa mga nakakita, gindumdom nila nga isa lang ini ka mannequin.
Sang ila ginliso, didto nakumpirma nga lawas ini sang tawo.
Ginkilala naman ang biktima nga si Gerardo Sobremisana Hembra, 66-anyos, residente sang Sitio Dorog sa amo nga barangay.
Ginpahayag nga nakit-an pa ini kahapon nga nagapanghawan sa kilid sang suba.
Nahibaluan nga gin-report ini nga “missing” kahapon antes ini nakit-an subong nga aga nga wala na sang kabuhi.
Ginahibalo pa kun ano gid ang gintunaan sang iya kamatayon.
