Nasapwan nga wala na sang kabuhi ang isa ka tigulang nga lalaki sa talamnan sa Brgy. Malusgod, Pototan, Iloilo.
Ang biktima nagaedad sang 74-anyos, residente sang amo nga barangay kag tatlo ka adlaw nga na-missing antes nasapwan nga patay.
Sa interview sang Bombo Radyo kay PCapt. Jersey Besas, hepe sang Pototan Municipal Police Station, iya ginpahayag nga nagakulob ang biktima sang nakit-an ini sa talamnan sang isa ka lalaki nga nagapanamang.
Suno kay Besas, posible nga nakadanlog sa ginhimo nga taytay kag nahulog sa talamnan nga may tubig ang tigulang rason nga nalumos ini.
Pahayag sang hepe, base sa statement sang mga nakakilala sa tigulang, masami ini nga nagapauli nga hubog.
Kumbinsido naman ang pamilya nga wala sang foul play sa likod sang kamatayon sang tigulang.
