Ginbawian gid sang kabuhi ang isa ka tigulang matapos malasakan sang truck sa Baldoza, La Paz, Iloilo City.
Ang biktima isa ka babaye.
Suno sa mga nakakita, halin sa Ticud ang truck kag padulong kuntani sa Loboc.
Ginsaysay sang mga nakakita nga nagatabok sa dalan ang biktima kag may dala ini nga baston.
Nag-uyat ini sa atubang nga parte sang truck nga nagapundo apang nag-andar ini kag nagbungguan ang tigulang tubtob nga nalasakan gid sang royda.
Wasak gid ang ulo sang biktima kag bali ang iban nga parte sang iya lawas nga gintunaan sang iya kamatayon.
