ILOILO CITY – Ginklaro sang chief tanod sang Barangay North San Jose, Molo, Iloilo City nga wala natabo sa ila barangay ang pagpangsapote sa isa ka tigulang nga ginapahayag nga may diperensya sa paminsaron.
Sa interview sang Bombo Radyo kay chief tanod Renante Luntayao, iya ginpahayag nga base sa ila pag-review sa closed circuit television camera sa lugar, wala gid nakita nga ginsapote ang tigulang.
Posible suno sa iya nga sa ila lamang nga barangay ginkuhaan sang picture ang tigulang bangud nga masami ini nga nagatinir sa ila nga lugar.
Dugang pa niya, nangin maayo ang pagtratar sang mga residente sa tigulang kag ginahatagan pa sang pagkaon.
Ini ang masami nga nagawakal kag nagasinggit apang wala man ini nagapanghalit.
