ILOILO CITY- Pilason ang isa ka babaye nga senior citizen matapos mabungguan sang motorsiklo samtang nagatabok sa pedestrian lane sa Dungon B, Jaro, Iloilo City.
Ginkilala ang biktima nga si Edgeline Villanueva, 60, sang Dungon B,Jaro, Iloilo City samtang ang driver naman sang motorsiklo amo si Plary John Prieto sang Cabatuan, Iloilo.
Sa interview sang Bombo Radyo kay Prieto, gin-ako niya nga madasig ang iya pagpadalagan kag wala natalupangdan nga nagatabok ang biktima.
Nagtabog man sa iya motorsiklo si Prieto kag nag-angkon sang pilas sa lawas.
