ILOILO CITY- Patay ang isa ka tigulang matapos nga nabungguan sang isa ka depampasahero nga jeep sa Barangay Gines, Miagao, Iloilo.
Ang biktima amo si Rolando Timan-an, Sr., 63, kag residente sang Barangay Calampitao sa amo nga banwa.
Samtang, ang driver naman sang jeep amo si John Marvin Sembrano, 41, kag residente sang San Joaquin.
Sa interview sang Bombo Radyo kay PCpt Francis Donne Lomahan, officer-in-charge sang Miag-ao Municipal Police Station, iya ginpahayag nga nag-overtake kag na-sideswipe sang jeep ang motorsiklo.
Suno kay Lomahan, matapos ang aksidente, nagsungka ang driver sang jeep sa Guimbal Municipal Police Station.
Sa subong, yara na sa kustodiya sang Miag-ao Municipal Police Station ang driver sang jeep.
Samtang, ginahulat nalang sang ang himata sang biktima kun magapasaka ang mga ini sang kaso batok sa driver.
