Nalangkag si Coach Tim Cone nga maka-upod na liwat si Kai Sotto sa mga hampang sang Gilas Pilipinas.
Ini matapos masobra isa ka tuig nga nagpahuway bangud sa injury partikular ang torn ACL (anterior cruciate ligament).
Magatipon liwat ang Gilas sa tunga-tunga subong nga bulan samtang ginapreparahan ang duha ka hampang diri sa Pilipinas sa 2027 FIBA Asian Qualifiers batok sa New Zealand sa Pebrero 26, kag batok sa Australia sa Marso 1.
Isa ka semana ang nagligad, nagbalik na si Sotto sa iya team nga Koshigaya Alphas sa Japan B.League 2025-26 season.
Siya man ang latest Filipino import nga nakasulod sa 1,000-point club sa B.League.
Nahibaluan nga sa Asian Qualifiers, nakaangkon ang Pilipinas sang back-to-back wins batok sa Guam kag tinguhaan nga mapabilin ini nga streak sa pag-atubang sa mas agresibo kag mas mataas nga mga kasumpong nga Tall Blacks kag Boomers.
