ILOILO CITY – Dead on arrival sa Western Visayas Medical Center ang isa ka kabulig sang balay matapos maghikog sa Hibao-an Sur, Mandurriao, Iloilo City gamit ang garter.
Ang biktima ang ginhingadlan lang kay alyas Mary Ann, 27-anyos, tumandok sang Rizalde St., Roxas City.
Nasapwan na lang sang iya live-in partner ang biktima nga nagabitay sa comfort room (CR) sang ila hulot sa puluy-an sang ila mga amo.
Ginpahayag ni SPO2 Rex Tabuada nga suno sa live-in partner, nagadugsinganay sila sang biktima kag nagsunggod si Mary Ann.
Naglakat naman ang lalaki apang nakibot na lang nga sang pagpauli, nasapwan ang biktima nga nagabitay na sa CR.
Ginapahayag nga ini na ang ika-duha nga paghikog sang biktima kun sa diin ang una ang natabo sa Roxas City.